Sprint – Mugarra Triatloi Taldea

2017-06-22
Ander Goñi
-

Lekeitio eta Aguilar de Campoon

Tags : aguilar de campoo espainiako txapelketa lekeitio paul bereziartua Sprint Triatloia

Category : Mugarra Triatloi Taldea Orokorra

Aurreko asteburuan ospatu zen gure taldean “klasiko” bat bihurtu den Sprint luzeerako triatloi bat: Lekeitiok XXV. Triatloia. Arrakastaren lekuko, bertaratu ziren Mugarrakide kopurua: 18 lagun!

Neskak txapeldun Lekeition. Argaazkia: Festak.com

Emakumezkoen maila beteranoan (V1F)

Jone Aizpurua

Gizonezko maila beteranoan (V1M):

Gorka Garitaonandia
Jose Manuel Gonzalez
Manuel Amador Gonzalez

Gizonezko maila beteranoan (V2M):

Celes Fernandez

Gizonezko maila absolutoan: (ABM)

Jon Mateos

Gizonezkoen kadete mailan (CDM)

Bittor Altube
Telmo Barrutia
Oier Bedilauneta
Gorka Pagonabarraga
Unai Villagrasa
Aitro Iraurgi
Eneko Letamendia
Aner Gerrikagoitia

Emakumezko kadete mailan (CDF):

Irea Gallastegi
Aiala Garro

23 urtez azpiko emakumezkoen kategorian (SUB23F)

Irene Loizate

Australiarrek goitik gora menperatu duten frogan, lehen postua lortu du Irene Loizatek 23 urtez azpiko mailan eta taldekako lanean, gure neskak txapeldun izan dira.

Hemen Lekeition ateratako hainbat argazki

Bestalde, Lekeitiotik apartetxo, Palencia aldean, Paul Bereziartuak bereak eta bi egin zituen Aguilar de Campoon ospatutako Espainiako Triatloi Kros Txapelketan: Txapeldun gisa bueltatu zen gure Paul!!

Paul txapeldun Aguilarreko Espainiako Triatloi Kros Txapelketan. Argazkia: Txela Bereziartua.

Hainbat lekutan agertu da berria:

Zorionik beroenak Paul!

2017-06-08
Ander Goñi
-

Ekaina hasieran, Azkoitia, Pasaia eta Aritzalekun

Tags : Aritzaleku Azkoitia Duatloia Olinpiko Pasaia Donibate Sprint Triatloia

Category : Lasterketak Mugarra Triatloi Taldea

Ekainaren lehen asteburuan batzuk mugaz gaindi Mimizanen ibili dira eta beste batzuk berriz etxetik gertuago.

Ekainaren 3an, Paul Bereziartuak Azkoitian ospatutako Gipuzkoako txapelketan izan zen; Azkoitiako XVIII. sprint luzeerako duatloian ain zuzen ere.

Maila handiko lasterketan, Paulek klasifikazio orokorreko bigarren postua eskuratu zuen. Zorionak Paul!

Hemen Azkoitian ateratako hainbat argazki

Ekainaren 3an ere, oraingoan Nafarroan, Allozen, Aritzalekuko XV. triatloia ospatu zen. Ander Goñik luzeera olinpikoan aritu zen eta bere hitzetan, “nahikoa lanekin helmugaratu nintzen”.

Ekainaren 4an, igandean, Bereziartuatarrak eta Lide Azueta Pasai Donibaneko IV Sprint Triatloian izan ziren. Txelak esanda, leku ederra, oso ondo antolatutako karrera, eta Jaizkibel igoera gogorra. Lide eta Txelak lehen postuak lortu zituzten euren kategorietan. Paulek bigarrena eta sailkapen orokorrean, top 15ean.

Txela, Paul eta Lide Pasaia Donibanen. Argazkia: Festak.com

Hemen Pasaian ateratako hainbat argazki

2017-06-01
Ander Goñi
-

Gorliz Badiako XI. Triatloia

Tags : Gorliz Sprint Triatloia

Category : Lasterketak

Larunbatean Mutrikun, eta igandean, maiatzaren 26an, Gorlizen. Ez bat eta ez bi, hamahiru Mugarrakide izan genituen bertan lanean.

Kadete mailan: Paul Bereziartua, Gorka Pagonabarraga, Unai Villagrasa, Aitor Iraurgi, Telmo Barrutia, Eneko Letamendia, Aner Gerrikagoitia, Aiala Garro eta Irea Gallastegi.
Juniorretan: Lide Azueta
Absolutoan: Igor Acedo.
Beteranotan: Jone Aizpurua, Txela Breziartua

Hau kuadrilla! Argazkien egilea: Emi Letamendia

Gustoa ematen du hainbeste taldekide ikusteak!

Eta oraingoan ere ez ginen esku-hutsik bueltatu Gorlizetik. Larubatean Mutrikun bezala, Lide eta Paulek euren kategorietan lehen postua lortu zuten. Jone Aizpuruak bigarren postua eskuratu zuen V1F kategorian. Gizonezkoen maila orokorrean, Paul Bereziartuak bederatzigaren postua lortu zuen. Aipatzekoa ere, gizonezkoen taldekako sailkapenean, bigarren postua lortu izana, ANB Urdaitri taldearen atzetik!

Egunean zehar jasotako zenbait argazki hemen.

Ander Goñi
-

IV. Mutrikuko Sprint Triatloia

Tags : Mutriku Sprint Triatloia

Category : Lasterketak Mugarra Triatloi Taldea

Maiatzaren azken asteburuan ospatutako sprint luzeerako triatloia Mutrikun. Hiru mugarrakide bertan: Bereziartua aita-semeak eta Lide Azueta.

Txelaren hitzetan, karrera oso polita izan omen zan, bizikletan Kalbaixorako igoera gogorra eta hirurak ere garaikurra eskutan etxeratu ziren: bakoitzari dagokion kategorian lehen postua eskuratuta eta Paul, sailkapen orokorrean bederatzigarrena.