• -

Azkoitiko Duatloia eta Elcheko Triatloia

Category : Lasterketak

Duatloi sasoia amaitzen ari den honetan, Mugarrako kideak izan ditugu Azkoitiko Duatloiean eta baita Elcheko Triatloiean ere.

Azkoitiako XVII. Duatloiean, Josu Kortabarria eta David Garcia izan ditugu lanean, eta hau gutxi balitz, David Garcia bera izan da probako irabazlea 01:38:25 markarekin. Probaren emaitzak hemen.

« 1 of 3 »

Probaren inguruko berriak:


Urrutiago joan direnik ere badira: Jon Urien (Potxi),Pablo Erleaga (Turbo), Aitor Olivares, Luis Bilbao eta Ernesto Garcíak Elcheko Triatlon Arenales 113-an izan dira. Bertaratutakoek aipatu dutenez, antolakuntza bikainarekin batea, giro eder eta etxekoia aurkitu dute.

Jon Urien, bere kategorian (55-59), lehen sailkatua izan da. Emaitzak guztia hemen.


  • -

Pazko Asteko kontuak

Category : Lasterketak

Pazko aste honetan, han ete hemen ibili dira gure kirolariak.

Larunbatean,  Irene Gallastegi, Nerea Fernandez eta Irene Loizate Gernikako XXI. Duatloian izan dira.

Emakumezko kadeteetan, Nereak bigarren postua eskuratu du eta Ireak hirugarrena. 23 urtez azpiko kategorian, Irene lehendabizikoa izan da.

« 1 of 5 »

Gernika baino urrutiago, Cerdanyola del Vallès-en, Espainiako Duatloi Txapelketa burutu da.

Oier Ariznabarreta, Txela Bereziartua eta Paul Bereziartua izan ditugu bertan nor-baino-nor. Aipagarria lortu dituzten emaitzak:

Kadete mailan, bederatzigarren helmugaratu da Paul Bereziartua (lehen urteko kadete mailan bigarrena litzateke). Txela, 45-49 urteko kategorian zortzigarren, eta azkenik, Oier Ariznabarreta, zortzigarren elite mailan.

Gureek egindakoaren berri honako lotura hauetan jaso dezakezue:


  • -

Durangoko 9. Duatloia – Kronika

Category : Orokorra

Mugarra Triatloi Taldeko hainbat kideentzat goizetik hasi zen Durangoko 9. Duatloia ospatu zen eguna. 10etan hasi genituen Duatloi eguneko prestaketa lanak; boxetako hesiak, dortsalak banatzeko guneak, bidegurutzeen antolaketa, anoa-poltsak, eta bertan egon ezean, burutik pasatzen ez diren mila kontu.

Ordubata inguruan gonbidapenik ez zuen bakarra agertu zen, euria, eta bertan gelditu zen proba guztiak zailtzeko asmoarekin.

13:30tan hasita, umeen probak burutu ziren: infantil, alebin eta benjamin-aurrebenjaminenak.

« 1 of 17 »

15:30tan, emakumezkoak abiatu ziren, eta ordu laurdena beranduago gizonezkoak. Ia 200 partaidek ibilbideko hotz era euriari aurre egin zioten, eta hotza izan zen, helmugan ere gehienen ahotan entzuten zen hitza.

Emaitza ezin hobeak lortu zituen Mugarra Triatloi Taldeak, gizon zein emakumezkoen lasterketak irabazi baikenituen: Gurutze Fradesek (02:04:25) batetik eta Oier Ariznabarretak (01:46:28) bestetik. Taldekide ditugun Iker Villanueva eta Jose Ángel Domingo ere bertan izan ziren.

Gurutze eta Oier Durangoko 9. Duatloiko irabazle.

Gurutze eta Oier Durangoko 9. Duatloiko irabazle.

Lasterketak amaituta, dena jasotzeari ekin genion. Eskerrik asko proba hau posible egin duzuen guztioi!

Boxeak jasotzen

Boxeak jasotzen

Duatloian ateratako hainbat argazki eta bideo hemen dituzue:

Aipamenak:


  • -

Basauriko XX. duatloia

Category : Lasterketak

Martxoaren 6an burutu da Egurre K3 Basauriko taldeak k antolatutako Basauriko XX duatloia. Euria eta hotza gainditzen saiatu diren 174 kirolarik ekin diote sprint distantziako duatloi honi (6.2km lasterrean, 18.9 bizikletan eta beste 2.9km lasterrean).

Mugarra Triatloi Taldeko 9 kide izan ditugu bertan: Bittor Altube, Paul Bereziartua, Nerea Fernandez, Irea Gallastegi, Eneko Goñi, Josu Kortabarria, Gorka Pagonabarraga, Unai Villagrasa eta Iker Villanueva.

Basauriko XX. Duatloia

Kadete mailan, Paulek lehen postua lortu du; Nereak bigarrena eta Ireak hirugarrena. Probaren emaitzak, hemen.

« 1 of 8 »

Prentsan:


  • -

2016.03.05 – Otzara, saritutako zenbakiak

Category : otzara

2016.03.05 Otzararan zenbaki sarituaMugarra Triatloi Taldeko kideek Durangon zozketatu zuten otzararen zenbaki sarituak hauek izan dira:

  • Zenbaki saritua: 7073
  • Ordezko zenbakia: 3576

Zorionak irabazleari!